政情：生果藏針逼銷毀 邱榮光嘆：暴殄天物
早排澳洲出現生果藏針風波，搞到大批新鮮生果被銷毀。環保協進會總幹事邱榮光就大嘆完全係暴殄天物，果農要諗其他方法先能夠減少損失咁話。
邱榮光就認為澳洲有大批生果逼住要銷毀，尤其原本出售價錢都唔平，果農損失相當慘重，所以可以考慮將銷毀嘅生果當作肥料回歸大地，例如挖窿將生果堆落去，相信係無辦法中嘅辦法。另外，佢又猜想用風乾方法去處理生果，完成後或者能夠輕易搵出藏針，而且風乾生果都可作為健康食品喇！
莊偉茵指年輕人唔識諗後果
同場嘅中電企業發展總裁莊偉茵就自言，去親街市主力都係為咗買生果，但自己對士多啤梨嘅喜好一般，所以生果藏針一事無改變到佢嘅食生果習慣，而且相熟舖頭具人情味，唔會因時節或其他原因而加價。佢就話當地出現年輕人因為好奇、貪玩而模仿犯案，情況同香港嘅巴士座位插針都類似，慨嘆年輕人唔識得諗後果。