深水埗通州街天橋底的「南亞村」藏污納垢，成為罪惡淵藪，是社會的計時炸彈；然而當局清拆木板屋龜速，致使毒販橫行，毒禍更從南亞村向周邊擴散。本報記者實地視察，發現毒販轉移到附近海壇街集散「出貨」，癮君子光天化日下在舊樓後巷席地「開餐」，不少染血紙巾、針筒棄於地上，部分針筒沾有血漬。咁嘅環境，街坊唔心驚就呃你！
如此一個烏煙瘴氣的南亞村，有關部門若不正視並以雷霆萬鈞之勢「拆村」，則此處不難成為三不管地帶，有如昔日的九龍寨城！有區議員狠批當局執法被動，促請當局盡快清拆木板屋，才有望解決環境、治安、衞生等問題。
大家睇到，即使申訴專員年年狠批食環署、屋宇署、地政總署、康文署等部門執法不力、浪費資源、蛇王無效率，佢哋咪又係繼續如此，年年都話會改善，查實又係「投訴接受，態度照舊」，你話香港養一班至叻hea做嘅官僚，有乜辦法唔競爭力下滑啊！
再講，香港假難民問題日益惡化，街頭追斬、搶劫和襲擊市民，幾乎日日發生，已不是甚麼「新聞」，而且愈來愈有組織地犯罪，部分人或已被黑幫收編，甚至要「食大茶飯」，令「行街紙」變成「犯罪通行證」。本報早就講過假難民是香港治安嘅毒瘤，並指政府即使一時未能退出《禁止酷刑公約》，亦應盡快設立禁閉式難民中心，並停止以現金形式發放津貼予假難民，以保障社會安全。可惜冇靈魂政府遲遲唔行動，情願每年花逾十億元港人血汗錢養癰遺患，令有識之士為之氣結！
南亞兵團作案沒完沒了，自詡辦事高效嘅特首林鄭，在即將發表的施政報告中有乜辦法應對？要與民同行，首要去民之患、解民之憂，否則無論如何都談不上執政為民。老朽希望政府唔好一味「好吹得」，空談誤盡蒼生啊！