主張港獨嘅香港民族黨被政府禁止運作，惹起泛民同唔少自決派嘅極大反彈，尤其係一啲自決派都會覺得好危，下一個會唔會輪到自己呢？之不過，由羅冠聰同黃之鋒做核心成員嘅香港眾志，喺今年一月周庭參加港島區補選，因為擔心過唔到關，臨急改咗黨綱，搣甩咗民主自決，但最終周庭都入唔閘。話說當局係留意咗民族黨兩年嘅言行，先做出今次取締嘅決定，眾志係咪真係改咗黨綱就甩到身呢？咁就要睇吓佢哋係咪真係同民主自決斬纜嘞！大家拭目以待喇！
