政情：飯碗要緊 梁籌庭嘆難搵公僕入工會

不過公務員比私人機構穩定，唔少公務員會怕搞工會而打爛飯碗，難怪香港文書職系公務員總會（總會）總幹事梁籌庭都嘆難搵人加入喇！

落足嘴頭解釋重要性

總會早前慶祝三十九周年會慶，梁籌庭就話工會角色仍然重要，因為文書職系嘅公務員好似二奶仔，每隔一段時間就要調部門，所以特別需要工會幫忙，增加凝聚力同埋作為對口單位。

現時正值公務員退休潮，連總會都一樣出現青黃不接嘅情況，所以梁籌庭都要花心機搵人加入同上莊。佢嘅方法就係靠落足嘴頭，講解職系面對嘅問題同總會嘅重要性，最後佢都成功搵到唔少新血，好似新一屆嘅總秘書連試用期都未過，唔怕影響前程都肯承擔總會要職，睇嚟梁籌庭唔使擔心總會後繼無人喇！