強颱風山竹過後，周圍塌樹同滿街垃圾，搞到交通癱瘓，玩殘市民，政府死唔認錯，就連啲部門都好無能。全港咁大，市民要自救執垃圾，就算啲清潔工執好啲垃圾都冇地方放，因為啲垃圾中轉站按時閂門，搞到啲垃圾要回流去地區垃圾站，有立法會議員鬧爆環保署有官場麻痹症，仲叫環保署可唔可以做番啲貼地同有人性嘅行為。老實講，外界鬧爆政府停課唔停工係墨守成規，環保署署長唐智強係咪有麻痹症就唔知，但係佢畀人鬧爆之後，先肯延長垃圾中轉站嘅開放時間，咁就肯定佢係唔踢唔郁喇！
