颱風「山竹」襲港前夕，用嚟黐窗防風嘅膠紙價格被炒起。尋日政務司司長張建宗（小肥張）出席活動時就被問到，坊間有商戶或會炒賣膠紙，甚至天價酒店，會唔會覺得社會防風心態未夠成熟，政府係咪應該做多啲教育工作。小肥張回應時就話，相信每一件事都有個教育過程，個別問題喺成件事完成後，就會吸收經驗作總結咁話。需求增加令價格上升係自由市場嘅運作，政府難以插手，唔通買賣膠紙都要政府用「辣招」﹖真係唔知小肥張仲要從中思考啲乜喇！
