政情：八網難逃：陳恒鑌穿越做皇帝 宣傳護眼
早前好多穿越時空嘅電影或電視大受歡迎，就連立法會議員陳恒鑌（Ben）都偷橋，仲過埋皇帝癮添！
夥鄧麗玲周伯展拍片
日前喺網上見到一段短片，阿Ben就着晒龍袍扮皇帝，仲有一個皇兒添！邊個嚟？咪就係社區主任鄧麗玲囉！嘩，喺現實版，佢個囡囡得幾歲，邊得嚟有個咁大個嘅女吖！
短片所見，阿Ben不停咁捽對眼，皇兒就叫父皇唔好捽喇，而佢就即刻召太醫，太醫走入嚟睇吓，原來太醫就係眼科醫生周伯展。點解要搞套宮廷劇出嚟？都係想吸睛啫，見到周伯展就好顯然係想教大家點樣護眼喇！