政情：公民講場：沙田區會反填海黃遠輝兩面受敵

土地大辯論接近尾聲，維港以外填海成為最受爭議選項之一。土地供應專責小組（土地小組）仲未有結論，政府早前已放晒風講到填海事在必行咁，不過沙田區議會尋日亦有表態，跨黨派表態反對政府建議嘅馬料水填海計劃。政府銳意填海，地區聲音就堅持「寸水不讓」，雙方分歧南轅北轍，不論日後土地小組份報告係支持抑或反對填海，可以肯定嘅係夾喺中間嘅土地小組主席黃遠輝將兩面不是人，成為討論嘅箭靶都似。