明仔是一間貿易公司的理貨員，這一天，他在貨倉感慨地跟同事訴苦：「一日有十幾張單，又要幫手送貨，今日有個客不停鬧我點解咁遲先送到，塞車都控制唔到o架！」這番話被剛好路過的老闆周經理和管工成哥聽到，成哥連忙向周經理賠個不是，並指明仔工作態度欠佳，會提點他一下。
「我之前喺職安局聽咗個免費講座，知道僱員喺工作期間直接或間接因工作緣故，受到任何不合理待遇，甚至行為上攻擊、威脅或傷害，都是工作間暴力。我哋唔應該未了解清楚就妄下判斷，反而應該關心下屬，了解佢哋遇到咩困難就真。」周經理說。
「工作間暴力係甚麼？」成哥問。「暴力事故往往先由辱罵和恐嚇開始，隨後就是襲擊。其實好多暴力事故發生前都有徵兆，例如群眾壓力、咬牙切齒或磨拳擦掌等動作。所以，當發覺一個人態度有改變，便要小心。」周經理解說。
成哥吃驚：「咁點算呀？」
周經理拍一拍成哥肩膀：「衝突多從言語對話爭執引起，如果對方情緒正處於挫敗、生氣，挑釁甚至具侵略性階段，其他所講嘅內容都唔會聽入耳，因此，要以善意溝通技巧去減低對方攻擊性同怒意。工作間暴力給人感覺像洪水猛獸，一般員工好難應付，但其實如果機構能及早制訂一套預防策略，為員工提供足夠應付暴力事件嘅訓練及演習，衝突暴力事件係可以預防同處理。不如我安排你哋去職安局上個衝突管理嘅課程啦。」
成哥：「原來處理工作間暴力都有咁多學問！」
職業安全健康局
www.oshc.org.hk