政府經常話冇地起樓，點樣可以有地呢？其中一個建議係填海，即刻惹嚟極大嘅反彈，當中包括咗環保團體。鄔滿海今日就卸任房協主席，臨別秋波，佢尋日喺電台節目中講嘅嘢同政府論調差唔多，但就講到明支持填海造地不特止，仲話除咗喺東大嶼大規模填海外，亦應該同時推動較小規模嘅填海。嘩！咁貪心，大小通吃喎，唔怕畀人狂插咩？使乜驚啫，搣甩咗房協主席個名，佢亦係普通市民，都有發言權o架！
