政情：公民講場：港府隱瞞沉降數字 視通報機制如無物

月台沉降嘅問題愈爆愈多，元朗區議會尋日就討論輕鐵天榮站同西鐵元朗站月台沉降嘅問題，唔少議員兜口兜面鬧爆屋宇署署長張天祥「搬龍門」，遲遲唔肯交出沉降嘅數字，炮轟政府視通報機制如無物，又直斥政府隱瞞區議會係不能饒恕嘅錯誤，「管治誠信都沉降」咁話，逼多兩逼，張天祥先話一旦沉降至停工指標，將會對外公布。老實講，區議會逼都冇用，事關呢個政府早就冇晒誠信喇，張天祥仲有乜嘢怕呢，總之係意見接受，態度依舊。