探射燈：逾四成戒毒者 曾到無牌吧「入貨」
無牌酒吧位置隱密，通常藏身於工廠區或商廈上層單位等，並設有閉路電視監視入口情況，如非有熟人帶路難以進場，部分更由黑幫在背後操縱。有戒毒青年透露，過去曾被招攬到無牌酒吧的「藥房」工作，向酒客銷售毒品，自己亦曾花巨款在「藥房」購買毒品。有戒毒機構更指，其院舍內有逾四成宿友曾在無牌酒吧接觸毒品，擔心有關場所或成吸毒者的「安全屋」。
「一晚使四千蚊買可卡因」
「通常企喺吧台，可卡因賣三百至五百蚊粒，K仔（氯胺酮）就三百蚊粒，會袋住一包仔約一百粒，冇晒再出去攞貨，大時大節一晚賣到四、五百粒。」阿坤（化名）憶述當年在酒吧任職「藥房」的日子，他首次到訪無牌酒吧時仍未成年，在朋友介紹下開始定期到該酒吧消遣。「賭吓錢，唱吓K，一玩就十幾個鐘，因為個環境令人安心，會食（毒品）得比平時多，去一晚可以使四千蚊買可卡因，試過食到不省人事。」至兩、三年後，家人發現他吸毒的事，終成功勸他接受戒毒服務。「諗番轉頭係好後悔，同家人關係疏遠咗好多，希望大家唔好試。」
香港戒毒會凹頭青少年中心署理院長鄭俊仁表示，無牌樓上吧與毒品活動關係密切，以其轄下戒毒宿舍為例，便有超過四成宿友曾於無牌酒吧接觸毒品，當中更包括僅得十五歲的未成年人士。「佢哋未夠秤去合法嘅酒吧消遣，但無牌酒吧唔會拒絕招待佢哋，有啲甚至免收酒水費，或者氹佢哋幫手販毒賺外快。」鄭指，年輕人好奇心重，受朋輩及酒精影響下，容易作出錯誤判斷，籲切勿貪新鮮到訪有關場所。