下白泥村喺三年前曾被揭發多個漁業養殖戶池塘出現唔尋常死魚、死蝦情況，事後當局曾派人到場巡視指河水冇受污染，環保署等部門亦冇作出改善。點知事隔三年後，近日又發現同樣情況，發現係屯門稔灣嘅新界西堆填區污水滲漏，令到下白泥村嘅河道受到嚴重污染所致，但環保署就話今次係首次發生同類事件，附近環境同水體事後冇受明顯影響喎。環保署署長唐智強明明係把關不力，竟然仲擘大眼講大話，若果冇受污染，點解啲魚蝦蠔死晒吖，唔通自殺？細路都呃唔到喇！
