中大迎新營再傳非禮事件
【本報訊】中文大學護理學院迎新營發生懷疑非禮事件引起學生熱議，有學生再於Facebook「CUHK Secrets」爆料，指以往參加O camp亦遇到類似事件，反問：「玩O camp係咪預咗畀人非禮？」聲稱在玩遊戲期間，「啲男仔好鍾意黐埋嚟」、「完全掂到胸部」令女生不安。有網民則指多年前擔任O camp工作人員時，曾目擊類似非禮事件，當時交由大學職員上報「防止性騷擾委員會」而無報警，但涉案者最終毋須承擔責任，網民呼籲「千祈唔好私了，必須報警，否則受害人陸續有來！」
網民指上報後校方無報警
聲稱玩遊戲時被觸碰胸部的學生續指，O camp流行在夜間「玩房game」，形容：「房game好似畀人強姦完咁，點解成班仔會捉住我瞓喺地除我對鞋，隻手又掂到我個胸，左右手同頭都畀四個男仔捉住，名義上係玩game，其實乘機抽水，玩到好不安。」有網民回應指，學生在事發時不懂怎反應是正常，但事後應與信任的組爸媽、工作人員反映事件。
有網民則分享向校方上報懷疑非禮事件的經驗，指原以為有校方跟進，可以放心，但實情是：「即使嗰位疑似犯人已經去咗紀律委員會，即使佢被記缺點，只要佢畢業前冇再非禮人，個缺點就唔會再有，佢唔需要承擔任何後果！」加上有保密協議，其他證人亦不可以公開有問題學生的身份。網民直言：「我哋睇住佢第二年O camp仲可以做大位（搞手），但我哋唔可以講呢個人有咩問題！」