政情：任政助期間 被指用特權 陳凱欣涉助記者打尖求醫
食物及衞生局前政治助理陳凱欣被指在任期間，涉以特權安排正在急症室輪候診症嘅電視台記者「打尖」，有指該名記者其時情況並非緊急，但致電給陳凱欣後，即能馬上看醫生。
陳冇正面回應事件
陳凱欣回覆時，未有正面回應事件，僅稱擔任政治助理期間，其中一個重要嘅工作係作為求助病人與醫院之間嘅溝通橋樑；佢在任期間收到來自市民、機構、政治團體或政黨及議員等嘅求助及轉介個案，全部個案都會同醫院溝通及了解，以提供協助，有關病人喺醫院嘅診治同輪候安排，則由院方因應病人臨床情況作安排及決定。
現時四十歲嘅陳凱欣曾從事傳媒工作多年，佢喺二○一二年至二○一七年出任食物及衞生局政治助理，換屆後任職社企，近日同時出任九龍社團聯會健康大使。政圈廣泛流傳，建制陣營將派佢出戰十一月嘅立法會九龍西補選，但佢就多次指自己仍未決定。