政情：盧金榮喜迎「大女十八變」
正所謂「女大十八變」，中華廠商聯合會副會長盧金榮（Wingco）話大女喺國際學校即將入讀七年級，大個女咗，鍾意嘅嘢都成日變，例如以前好鍾意食咕嚕肉，依家已經唔鍾意嘞，轉咗鍾意食肉餅，自己都要不斷了解女兒最新鍾意啲咩喎。
Wingco話小朋友真係大得好快，早前全家人同大女慶祝生日，女兒親自揀蛋糕，依家唔鍾意卡通蛋糕、公主蛋糕啦，要揀啲冇卡通嘅「大人」杧果蛋糕。佢話大女食好少嘢、好瘦，細個都怕佢唔高，要買鈣片、維他命同魚油畀佢食，唯一一樣好嘅係唔食垃圾食品，而細女就細家姐兩年，但為食啲，即將追到家姐嘅高度啦！
開始擔心女兒拍拖未呢？佢就話唔擔心，最緊要係同兩個女多溝通、多了解，教佢哋最少要十八歲才能拍拖。睇嚟父女關係真係幾好咁喎。