「東方做，蘋果盜」之所以一再發生，冇嘢嘅，鬼叫你哋啲報道咁正，尤其是啲獨家靚相咁多，自己冇本事拍到，見獵心喜，一於盜之哉當做自己嘅，慳水慳力，又可吹噓自己「不扮高深，只求傳真」。壹淫媒做慣賊仔收唔到手，只求順手毫不知醜，二十多年來死性不改，因侵權行為向東方賠償或繳款法庭，金額合計已超過一百三十萬元；今年五月，又被發現擅取東方相片作報道之用。
一次又一次咁盜取東方相片、侵害東方權益，壹淫媒可謂無恥之尤。已故國學大師季羨林曾感嘆：壞人是不知道自己是壞人的，因此壞人不可能變好。事實上，習慣偷人嘢嘅人根本不認為「順手牽羊」有問題，是以無恥之徒極有可能不知道自己是無恥的。壹淫媒侵犯東方知識產權逾二十年，呢種心態有如「性上癮」者，根本戒唔到。
「恥」字另一寫法係「耻」，耻者，止也，有所為有所不為。壹淫媒咁多年嚟盜取東方相片及文章，可謂罄竹難書，然而，壹淫媒偷東方相偷到上癮，罰極都係要偷，根本已病入膏肓，正如本報「功夫茶」話齋，除非壹淫媒永遠消失，否則東方一直要嘥精神捱眼瞓（目及）實呢個慣犯！
壹淫媒做慣賊仔回唔到頭，與其老闆漢奸黎言而無信、恨做契弟不無關係，漢奸黎不惜「將員工賣落妓寨」，其《壹週刊》話唔賣又賣，最終想做真契弟而告吹，自取其辱！明代學者王陽明流傳一個「致良知」故事，老朽長話短說：王陽明有一次被盜賊所困，賊問：盜賊可有良知？王答「有」。賊不信，王說：你們把衣服脫下來。脫到淨番條底底時，盜賊不願脫了，王於是說：這知耻就是你們的良知。
王陽明要是得遇漢奸黎，見其壹淫媒盜竊人家知識產權竟旁若無人，其「致良知」必然要改寫；一個人恨做契弟，點會care除埋條底褲啊！