政情：公民講場：韋志成：維修機制訂得好 市建局十年唔使做

市區重建局行政總監韋志成尋日喺電台節目中，講到旺角及油麻地重建嘅挑戰同香港樓宇復修問題。佢就話市區更新係「成也復修，敗也復修」，因為一般鋼筋混凝土如果做好維修工作，樓宇壽命可以有過百年，咁就可以減輕重建壓力，又話如果香港過去有建立良好嘅維修機制，市建局過去十幾年重建嘅一千幢舊樓，到今日都唔使拆喎。如果係咁，市建局咪可以提早摺埋？睇怕韋志成都收得工囉。