貪方便買外賣 警車泊巴士站惹不滿
【本報訊】網上流傳一段影片，有市民不滿警員晚上在巴士總站停泊警車買外賣，尾隨拍片兼理論，警員承認貪方便泊警車在巴士總站。本報昨向警方查詢，至截稿前未獲回應。
該片段長一分廿四秒，拍攝時間據了解是本月十三日晚上，地點是大埔富善邨巴士總站附近。片中可見一名警員剛從麥當勞步出，手拿外賣食物步向警車。拍攝者尾隨並叫嚷：「喂！你係咪警車當私家車用啊？吓？做乜你部警車可以泊喺巴士站度買麥當勞o架？即刻駛走佢！」警員回頭看一眼，繼續前行，並無回應。
市民尾隨拍片理論
拍攝者一直從後叫嚷，至警員開門登上警車後座，坐在警車前座的警長向拍片者說：「唔係（將警車）當私家車用……」拍攝者仍不斷叫對方解釋「係咪警車當私家車用？」、「點解可以泊喺巴士站買麥當勞？」警長最初回應：「我唔需要同你解釋o架啦……」但拍攝者仍窮追猛打，警長終辯稱：「我……無阻礙其他人，我由開工到依家食飯時間過都未……」拍攝者續質疑警車停泊位置不當，警長則稱：「如果我泊喺出面，會阻礙其他車輛出入，而呢度比較寬闊……」拍攝者反駁：「都係為咗方便你哋之嘛！」警長終承認：「就係方便咗我哋囉！」