政情：公民講場：鍾錦華：八號幹線合約出錯 文件多就有疏漏

立法會政府帳目委員會尋日繼續就八號幹線沙田段工程問題聆訊。對於審計報告批評尖山隧道工程顧問公司喺草擬合約建築工料清單時有遺漏，終導致承建商需要作出修補工程，並向路政署追討四千三百多萬元費用，路政署署長鍾錦華承認有疏漏，但就話有關工程複雜，文件多達七千幾頁，所以「好難確保百分之一百冇疏漏」喎，言論隨即被議員炮轟。如果官員以咁嘅態度做事，唔怪得當年新機場一啟用就出現大混亂，之後出現公屋短樁，到近期沙中線工程醜聞、鉛水爆完又爆等，歸根究柢係因為官員監管不力囉！