為推廣體育發展同訓練，康文署將轄下公眾泳池部分線道嘅部分使用時段分配畀六個體育總會，用嚟培訓或考試，再由各總會分配泳線畀屬會。申訴專員公署留意到有媒體報道，體育總會分配泳線畀其屬會嘅機制不公，令大型泳會坐大，小型泳會難以發展。當中更懷疑涉及利益輸送同違反租用條款等違規問題，公署經初步調查後亦對康文署有冇履行好監管職責存疑，仲話會主動出擊調查添！真係奇怪，外界咁多質疑，康文署署長李美嫦好似睇唔到咁，佢真唔知定扮唔知呀？根本就係唔踢唔郁！
