香港住屋問題嚴重，唔少市民都要住喺劏房。港大科斯產權研究中心聯同關注基層住屋聯席做咗個調查，發現依家啲劏房愈劏愈細，最多嘅情況一伙劏九、十間房。啲劏房堆滿晒雜物，而多咗嘅牆身、廚廁及灶頭等間隔，亦令大廈增加咗負擔，令消防及樓宇結構出現隱患添！啲劏房搞到成個計時炸彈咁，睇嚟消防處處長李建日、屋宇署署長張天祥有排頭痕喇！
