由投資推廣署引入香港嘅初創科技、香港首間共享單車Gobee.bike尋日宣布稍後結束在港業務，成為最早入主香港但最快「玩完」嘅共享單車服務，外界仲炮轟政府對共享單車既不監管又唔支援。搞成咁，都係商務及經濟發展局前局長蘇錦樑當年種下禍根，留低啲蘇州屎畀現任局長邱騰華，但佢又唔理所致，反映政府話推動綠色出行政策同鼓勵外資在港創業「得把口」，最怕跟住有骨牌效應，其他公司陸續冧檔，咁就真係醜出國際嘞！
