眾所周知，香港公屋輪候時間長，香港房屋協會尋日(9日)就公布會翻新香港仔漁光村二百多個小型單位作為暫租住屋，畀輪候公屋三年或以上嘅年滿六十歲單身長者，同二至三人家庭申請。消息公布後深受歡迎，有團體大讚房協主席鄔滿海做得好。相比之下，房屋署署長應耀康就似乎失色咗啲喇，事關早前傳媒踢爆粉嶺雍盛苑九個低層單位，同柴灣漁灣邨四十個單位已經分別空置咗十二年同兩年，房署同地政總署傾咗咁多年都搞唔掂，睇怕應耀康都要勤力番啲，快啲釋放啲單位出嚟啦！
