經常都講，如果政策係由政府帶頭去做，效益會高好多。不過發展局局長黃偉綸尋日講起發展同善用海濱公園時，竟然反其道而行，話交畀私人企業搞效果仲好，事關政府「限制多啲、僵化啲」，如果租畀私人企業就靈活好多，佢哋比較擅於同唔同嘅團體合作，租金上都比較容易彈性處理。如果由政府處理，就會比較被動咁話！其實佢講到政府做嘢咁綁手綁腳，到底係佢太懶想卸膊，定係個制度真係有問題呢？睇怕政府都應該戙高床板反省吓喇！
