中環出更：梁天琦「食得瞓得」獄中擬再讀學士

石壁監獄職員鼓勵進修

該議員日前到石壁監獄探望梁天琦，引述梁天琦話喺獄中嘅生活好好，又話石壁監獄嘅伙食比喺荔枝角收押時理想。佢又話見梁天琦嘅情緒同思路都幾好，睇好多英文書，當中包括法國哲學家沙特著名劇作《密室》（Huis-clos）。

梁天琦本身已擁有一個學士學位，佢喺香港大學畢業，主修哲學，副修政治及公共行政。該名議員又引述梁天琦話，石壁監獄嘅職員都鼓勵佢繼續進修，而佢打算再讀書，原本諗住修讀碩士課程，但係只有公開大學嘅商科課程，要有商科底先讀得，所以依家可能會修讀多一個學士課程，可能係社會科學啦。

卓妮