政情：容海恩為滲水進修 反被網民鬧踩過界
屋企滲水係非常困擾嘅一件事，而且唔容易解決，其中一個難處就係要搵出滲水嘅源頭。立法會議員容海恩（Eunice）就喺佢嘅Facebook話，報讀咗一個由香港管綫專業學會同國際管綫專業學會認證嘅檢測滲水基本證書課程，可以透過目測、耳聽及探測機等，找尋漏水源頭，從而針對性地進行維修，諗住了解更多關於滲水嘅解決方法喎！
唔好「逢事抽水」
不過網民對貼文嘅反應就麻麻，有人留言話，只係上七粒鐘雞精堂就有證書，只係證明參與過，又話呢啲課程最多只係協助提供改善方法。又有網民話，佢身為立法會議員「踩過界」，認為應該由當區區議員去跟進會比較合適，叫Eunice唔好「逢事抽水」咁話！