政府計劃透過徵稅、禁止向未成年人士銷售等方式規管電子煙同加熱煙，香港吸煙與健康委員會及醫學團體早已表明唔收貨。委員會主席鄺祖盛尋日再次質疑，政府二○一五年已接受委員會建議全面禁止電子煙，但依家改變立場，係倒行逆施，令人失望。陳肇始把口就話好擔心年輕人吸食電子煙或加熱煙，但又只以徵稅等方式規管，真係講一套、做一套。唔通真係財政司司長陳茂波喺背後發功，庫房稅收緊要過市民健康？
