中環出更：謝偉銓放假 同太太十指緊扣行街
今年三月立法會補選，謝偉銓（Tony）成功循建築、測量、都市規劃及園境界功能界別重返議會，佢喺當選一刻在台上與太太及女兒相擁分享喜悅。呢個溫馨場面絕對唔係做出嚟，皆因上星期一端午節，我哋就目擊Tony同太太喺中環ifc商場行街，全程十指緊扣，真係恩愛夫妻。
囡囡送衫 想爸爸睇落後生啲
Tony兩公婆行咗超級市場、珠寶店、電器舖，其中睇大電視睇咗好耐，雖然最後冇買，但睇咗好多個型號，又仔細咁研究電視畫面質素，唔知係咪打算換部新電視呢？Tony就嚟六十四歲，但睇落keep得幾好，其中一個原因係勤做運動，亦歸功囡囡經常送衫畀佢，因為個女想佢睇落後生啲喎。當日Tony正着住乖女送嘅衫，望落的確後生咗。
卓妮