政情:公民講場:沙中線鋼筋風波 又想攞獨立委員會擋箭

港鐵沙中線紅磡站地盤有鋼筋被剪短造假,風波不斷,各界都話要徹查事件。政務司司長張建宗尋日終於話,不排除會成立獨立調查委員會調查事件。近年政府一爆大鑊,就搵獨立調查委員會做擋箭牌,由南丫沉船海難、鉛水事件,到早前嘅大埔公路巴士車禍,全部都交由獨立調查委員會去處理,依家到沙中線事件,又再打獨立調查委員會嘅主意。每次調查都係雷聲大雨點小,好似調查鉛水事件,搞完一輪大龍鳳,結論係無人需要「人頭落地」,似係想減低輿論壓力多啲。

第一手消息請下載on.cc東網iPhone/iPad/Android/Windows Phone Apps