政情：資深大狀鮑進龍原來係麻雀高手

一年一度嘅資深大律師委任儀式尋日喺終審法院舉行，今屆獲「升呢」做資深大狀共有四人，當中包括鮑進龍。主禮嘉賓致詞時就大爆鮑進龍一個小秘密，原來鮑除擅長打民事案外，更係一名麻雀高手。翻查資料，鮑進龍曾於二○一○年喺澳門舉辦嘅世界麻雀王大賽中，奪得亞軍，獲十五萬元獎金，冠軍則由另一名港人奪得。

近日司法界另一「熱話」就係法庭內影相，更令奇女子唐琳玲嘅名字「一夜爆紅」。司法機構尋日喺委任儀式前，特別向傳媒及在場人士表明，雖然有關儀式並非聆訊，但法庭內仍然係嚴禁拍攝，惟破例地准許大家喺儀式後，於法庭外嘅走廊同終院展覽廳影相。