熱帶風暴「艾雲尼」令到香港近日打風，尋日朝早落滂沱大雨，天文台喺返學時間後，先話考慮下午改發三號強風信號，唔少家長都鬧爆天文台，點解啲暴雨警告同三號強風信號公布得咁差，搞到小朋友一早返咗學，又淋到成身濕晒。其實天文台成日話睇住天氣，以科學決定等等，年年都被人鬧做得唔好，天文台台長岑智明到底有冇諗過要以人為本，改變吓做法，等啲家長同小朋友唔好咁慘呢？
