職場健康：凍啡奶茶不解渴 反致水分流失
炎熱的下午，新丁「小甘」和師傅「博士」正準備叫杯消暑飲品，再繼續戶外的清潔工作。
「工作咗大半日，口渴到不得了，來杯消暑解渴嘅凍飲啦！ 凍啡？凍奶茶定啤酒？我要一杯凍啡再加一杯凍奶茶。」小甘說。
博士說：「小甘，凍啡、奶茶未能夠有效解渴，因為咖啡同茶都含有咖啡因，佢係一種利尿劑，容易導致身體嘅水分流失，增加脫水風險。」
小甘道：「啊？不能以咖啡或茶解渴，咁轉飲啤酒，俗稱鬼佬凉茶，夠消暑吧？ 等我飲多兩杯，預防中暑。」
啤酒利尿 應喝電解質飲料
「小甘，你要小心啊！ 啤酒呢家嘢，唔係咁簡單。好多人鍾意喺大熱天來一杯冰涼嘅啤酒，大囗喝下瞬間覺得身心涼快，暑意全消，但其實酒精一樣有利尿作用，會增加水分從尿液中流失，容易令身體出現脫水現象。雖然啤酒都含有好多水分，但係由於利尿作用，流失嘅水分會比喝下嘅水仲要多。」博士解釋道。
小甘問：「咁應該飲甚麼最好？」
博士說：「口渴應該飲水，為身體補充足夠水分。喺酷熱環境下，體溫調節系統會自動增加排汗及呼吸頻率令體溫下降，因此需要補充水分。但要留意，當大量排汗時，體內嘅水分及鹽分（鈉離子）亦會大大流失，而導致身體缺水及電解質不平衡。若不及時補充水分同電解質，會出現熱衰竭或更加危險的情況——中暑。因此，當大量出汗時，除飲水外，亦應適量補充電解質，例如飲用含電解質飲料。」
小甘道：「好喇，講咗咁多，快啲買嘢飲啦。蒸餾水、某牌子嘅含電解質運動飲料……」
職業安全健康局
www.oshc.org.hk