持續酷熱嘅五月啱啱過去，六月就急變迎來雨水，尋日天文台仲發出今年首個一號戒備信號添。不過，天文台今年「第一波」就甩轆，提早咗差唔多兩個鐘發出戒備，原計劃上午十一點幾生效嘅戒備信號，竟然喺上午九點幾，就已經喺天文台手機程式上顯示為已經發出，一班議員隨即喺立法會鬧爆。又難怪嘅，好彩今次只係提早發出一號波，如果係八號波，影響就大喇。莫非天文台台長岑智明久旱逢甘露，所以心急提早發出信號？
