中環出更：死攬許智峯 攻擊政府「狗仔隊」 泛民被轟轉移視線 塗脂抹粉
立法會內務委員會尋日開會，議員毛孟靜（阿毛）要求在本月廿三日大會上就政府「狗仔隊」（通傳及應變職務）監察議員行蹤事宜進行休會辯論。建制派議員陸頌雄就質疑，阿毛提出休會辯論，只係想幫民主黨許智峯涉強搶「狗仔隊」女官員手機事件「轉移視線、塗脂抹粉」，揶揄許應請阿毛飲茶。許智峯亦有出席內會，但未有發言；而阿毛嘅建議最後被否決。
蔣麗芸斥毛孟靜惡人先告狀
阿毛話，政府狗仔隊在立法會多年，認為是違反立法會獨立運作嘅大原則，出任狗仔隊的官員月薪達六萬多元，認為政府不應浪費人才。議員范國威認為狗仔隊影響議員投票；議員郭家麒就形容狗仔隊係「嘥公帑」，又話可叫建制派議員戴「電子狗帶」，以限制佢哋離開會議。
議員蔣麗芸就反批阿毛「惡人先告狀」，許智峯欺負女性同強搶手機就唔譴責，而政府設狗仔隊亦係因為反對派拉布，如果阿毛唔想官員到立法會監察，就首先唔好拉布。進出口界議員黃定光更加話，議員係公眾人物，反問「有咩私隱」？強調「要私隱就返屋企食飯！」
卓妮