【本報訊】山澗水潭危機四伏！攀山專家鍾建民指出，所有山澗水潭皆是天然形成，並非經過人工修葺或測試，因此潭底隱藏的危機無法估計，水深無人得知，「一係等個潭乾晒再去量度，如果唔係根本答唔到個潭有幾深」，看上去似是平坦的潭底，「亦可能有好多石，或者有唔少竹枝」，貿然跳水有機會直墮水底，被亂石竹枝所傷，對於遊人跳潭的行徑，鍾直言：「見到佢哋咁做都驚。」
山澗水潭另有其他危機不可不注意，鍾指出，雨季伴隨着夏天到來，雨水在山上累積的時候，位處山下的郊遊人士根本不會知道，若漠視天氣堅持跳潭溯澗，除有機會因天雨石滑跣腳跌傷外，一旦遇上山洪暴發，不論是正在潭中戲水抑或是在潭邊遊玩的遊人，「全部一定走唔切」，慘劇隨之而生。
鍾呼籲，郊遊人士切勿小覷行石澗，「行山同行石澗唔同」，前者只是在平路上行走，後者則是經常「要跳要攀爬」，對體能及裝備有較高的要求，亦需要一個好的領隊帶領，切忌僅靠網上資訊就出發挑戰，若生意外時後果不堪設想。鍾建議，出發行石澗前要留意天氣報告，「如果落緊雨或者預料會落雨，都唔好去行。」當抵達水潭時，「喺水度浸吓腳或者喺潭邊行吓好喇」，避免做出危險行為。