政情：黃海燕奇想 共享地舖長短租
香港樓價癲升，「共享」概念應運而生，有人喺工廈搞共享工作空間，亦有人搞「良心劏房」版嘅共享房屋，但香港青年聯會成員嚴煥兒（Mona）同做鐘錶及地產投資嘅表姐黃海燕（Pauline）最近就突發奇想，打算大搞共享地舖空間。
話說Pauline喺佐敦有一個二千幾呎舖位，原本租畀一間餐廳，但喺大半年前租約完咗之後就一直未租出去。佢話其實租金已經唔貴，但丟空咗大半年仍乏人問津，所以最近佢決定搞共享工作空間，特別針對商界人士，長租又得，短至以鐘點計都得，相信具有一定吸引力。
Mona聽完都話玩法幾新鮮，尤其係共享地舖好罕有，將來可視乎情況改變租客對象或業務模式，佢都心思思想一齊搞添！