政情：公民講場：上海仔借病潛逃 要掟西瓜落海先現身？

咁又係嘅，粵港澳近日大力掃毒除黑，打擊包括上海仔旗下嘅販毒集團，再加上佢喺着草前拍低咗多段影片，自編自導自演誹謗抹黑他人，自然唔敢返嚟香港。

多方面逼上海仔返嚟「交人」

之不過，上海仔嘅惡行同帶嚟嘅種種麻煩，經已引起各方關注，正所謂「出得嚟行，預咗要還」，為免誅連九族，好多人都逼緊佢返嚟「交人」。本月十五日，上海仔須就另一宗涉嫌串謀刑恐、傷人及勒索案向香港警方報到，唔知到時佢又會否現身呢？如果佢再度潛水失蹤，可能就要搵個道士，一邊唸咒，一邊掟幾個西瓜落海，希望佢係生係死都識得浮番上水，以免繼續累人累物累街坊。