立法會議員許智峯（峯鴿）早前喺立法會內強搶保安局女行政主任手機事件，事後話政府狗仔隊侵犯議員嘅私隱，企圖轉移視線。佢尋日又去信個人資料私隱專員公署，要求公開釐清政府「狗仔隊」監察議員嘅做法係咪觸犯《私隱條例》。話時話，喺「峯搶手機」當晚，私隱署已發稿講明政府人員當日係做緊公務，冇牴觸《私隱條例》，已經摑咗峯鴿一巴，尋日私隱署火速回覆逐點反駁佢，即係摑完又摑，呢次峯鴿根本係撼頭埋牆喇！
