政情：街工開會錄音流出 阿忠冇話炒人

倡設小組解決財政問題

根據錄音內容，當晚討論嘅議題係「要求保留勞工組」，而阿忠發言時話相信冇人會反對保留勞工組，強調問題不在於係咪保留勞工組，而係支薪嘅問題，形容就算佢解僱三位同事或唔支薪，勞工組仍會存在。佢又建議成立一個三至五人的小組，解決財政問題，重申並非要解僱任何人，只係到咗今個月三十一日，部分同事嘅薪酬佢難以負擔，如果搵到額外資源即可繼續支薪，且認為能解決財赤問題，非單係旺角嘅同事，連葵芳嘅兩位同事都唔使離開。

至於「不支薪可做義工」嘅指控，根據錄音內容，阿忠嘅講法係「是否不出人工，大家可做義工呢？如果肯做義工，我不反對。」一再重申希望大家幫忙解決財赤問題。

知情人士指借財困割席

另一方面，據了解，涉事疑將被解僱嘅王曉君、黎治甫同譚亮英，因不滿阿忠「永續參選」，舊年就自立門戶喺旺角租賃辦事處，以離開阿忠嘅「監控」，部分同樣不滿阿忠嘅成員亦同該三人「行得好埋」。有知情人士就話阿忠同其派系企圖借財赤之名，唔再支薪，要求勞工組自負盈虧，一併割席。