政情：公民講場：「遠水」打擊黃牛飛劉江華：增建場館

政府日前提出多招打擊黃牛飛炒賣活動，包括修例提高罰則、提高公開發售比例及試行實名制買飛等，但有演藝界人士認為，香港黃牛黨猖獗嘅真正原因係表演場地不足。民政事務局局長劉江華尋日被問及有關問題時，強調政府會陸續興建更多場館，包括啟德體育園同九龍東文化中心等。不過呢啲場館最快都要幾年後先起好，修例同實行新制度亦唔係即刻可以做到，睇嚟黃牛飛問題短期內都難以解決。