政情：驚分組點票敗陣 朱凱廸撤兩級制議案

朱凱廸話佢提出嘅議案旨在辯論，除雙普選外，政府應否就兩級議會同法定機構進行角色、組成與職權之改革，以回應市民訴求，為達致雙普選提供更有利的條件。佢又話張國鈞以修正案為名，提出同原議案毫不相關嘅政見，其修正案極大部分係批評拉布，措詞強烈，認為非描述事實只係意見論斷，且對泛民主派議員的議政動機作出揣測。

曾去信促拒張國鈞修正案

其實佢喺前日曾就此事去信立法會主席梁君彥，促拒絕接受張國鈞嘅修正案，但梁君彥回覆時表示，認為張的修正案並冇超出原議案主題嘅範圍。

立法會現有六十八席，由於議員議案須經分組點票，建制派喺功能組別佔大比數，而直選分組泛民只得十六席，較建制十七席少一人。換言之，若果朱凱廸唔撤回其議案，或會喺目前建制佔優嘅情況下，張國鈞嘅修正案會被通過。