港大法律系副教授、佔中發起人戴耀廷，發起咗七十九日嘅違法佔領行動，其後更主張違法達義，已經畀外界鬧爆教壞班後生仔。勢估唔到佢仲變本加厲，日前到台灣出席當地台獨組織舉辦嘅論壇，同「港獨」、「台獨」、「藏獨」、「疆獨」及「蒙獨」人士「五獨」合流，期間佢仲公然鼓吹港人要為「人民自決」做好準備，思考將來應成為一個獨立國家抑或係同其他中華民族組成聯邦。睇嚟戴耀廷驚死香港唔夠亂，仲要勾結外部勢力播獨，梗係人人喊打佢喇！
