財政預算案上月底一出爐，已被社會各界鬧爆派糖不均，未能惠及基層，其後財政司司長陳茂波將責任卸落關愛基金補鑊，點知又係被人鬧爆，到尋日終於「跪低」轉軚向市民派錢，提出向每名合資格市民派發四千元津貼。不過，特首林鄭月娥就否認「跪低」，仲反問︰「點解你哋一定要形容咩跪低嘅呢？」又話陳茂波喺過去三個星期聽咗好多意見，先決定推出計劃喎。政府唔係畀各黨派同市民鬧爆都唔會轉軚派錢啦，林鄭咁都唔認係「跪低」，唔通係「踎低」咩！
