被DQ立法會議員資格嘅姚松炎空降九龍西補選敗北，外界認為「屈基（逼退馮檢基）」事件係令姚松炎跌票嘅原因之一，矛頭直指姚同被視為其背後軍師嘅立法會議員朱凱廸。朱凱廸尋日話接受姚松炎落敗嘅所有責任，仲話包括佢在內嘅民主派都要負責，向支持者道歉。呢次唔係姚松炎一個人輸咗咁簡單，而係泛民首次喺補選落敗，朱凱廸認衰，依家出嚟負荊請罪都冇用喇，單憑一句接受所有責任，究竟點負責先？
