政情：九成兒童打針喊 陳以誠：家長太呵護
有「兒歌醫生」之稱嘅醫學會副會長陳以誠係兒科醫生，日常工作經常要為小朋友打針，佢認為小朋友驚唔驚打針，同家長係咪過分保護有關喇！
適當歷練有助成長
據佢觀察，有九成香港小朋友打針時都會喊，但佢曾到尼泊爾行醫時，就得番三成小朋友會喊，數字都差好遠喎！佢認為呢個反映到家長照顧子女嘅態度，就係平日過分呵護，怕子女受傷。
佢覺得人生路上絕對唔會一帆風順，所以適當嘅痛楚反而有助小朋友成長，否則只會令到佢哋唔識面對困難，所以家長教導小朋友時，應該要平衡理智同情感。
至於早排社會熱議打唔打流感疫苗，佢就話會尊重家長選擇，但為小朋友健康同社會着想，佢都建議接種，仲話現時疫苗已改進唔少，坊間擔心嘅副作用好多已經有醫學證明唔再存在添！