立法會四席補選結束，爭奪九龍西議席嘅民主派候選人姚松炎落敗，令民主派首次喺補選中敗北。九龍西原本係民協老巢，但票站數據顯示，姚松炎喺多個民協出任區議員嘅選區都失守，好明顯姚松炎未能完全吸納原屬民協嘅選票。仲記得姚松炎喺民主派九龍西初選勝出後，發生逼退民協馮檢基、令馮自動放棄做補選「Plan B」嘅「屈基」事件，立法會議員朱凱廸可以話係事件中嘅重炮手。依家姚松炎未能得到民協及傳統泛民支持者力撐而失落議席，朱凱廸可以話係「屈基」屈着自己友喇！
