開講有話，百足之蟲，死而不僵，壹淫媒老闆漢奸黎亦唔例外，佢嗰本宣淫販賤嘅《壹週刊》終於摺書，但漢奸黎竟然學似百足之蟲咁死到臨頭仲蝦蝦霸霸腳撐撐，派人對進行正常採訪嘅正義傳媒記者郁手郁腳，公然踐踏新聞自由。大家睇到喇，偽民主鬥士就算做唔到一世契弟，都要做傳媒流氓呀。
即係咁，漢奸黎正契弟可以話街知巷聞，佢最叻一邊大講新聞自由，四維八德，另一邊就自打嘴巴，做盡踐踏新聞自由嘅那渣事，唔到你唔服。淨係舊年六四咋，漢奸黎爆粗恐嚇本報記者，乜嘢「×你老母×」、「我實會搵人搞×你」、「我影×咗你嘅相」，簡直衰過爛仔，有圖有片，歷歷在目，點知前日佢又試嚟料，派出一男一女招呼喺壹淫媒將軍澳大樓外進行正常採訪嘅東方記者，阻止拍攝兼反拍記者不特止，仲同記者發生肢體碰撞，「只准自己狗仔亂港，不許他人正常採訪」，畀人譴責為「傳媒流氓」就係咁解。
正所謂，剃人頭者人亦剃其頭，漢奸黎作為一個徹頭徹尾嘅契弟，正係當年將狗仔隊文化引入香港嘅始作俑者，以追蹤、監視採訪為名，行滋擾、譁眾取寵之實，破壞本來健康良好嘅傳媒生態，講到尾咪係流氓所為囉。家陣正義傳媒以其人之道還治其人之身，為廣大讀者及投資者貼身追訪漢奸黎摺書詳情，有乜唔啱先？如果唔係作賊心虛，使乜左閃右避喊打喊殺呀？所以話啫，漢奸黎只許州官放火，不許百姓點燈，新聞自由喎，民主鬥士喎，講一套做一套，呃鬼食豆腐咩。
本來呢，天理循環，報應不爽，臭名遠播嘅《壹週刊》摺埋係必然嘅事，反正呢啲只擅長生安白造、砌名人生豬肉、屈洗頭水致癌嘅垃圾刊物，早就應該喺堆填區永久埋葬，不過作為壹淫媒嘅小股東就慘啲，漢奸黎摺書摺得咁鬼祟，掟封電郵通知廣告商就算，一直冇正式說法，簡直離晒大譜，兒戲成咁，你估家陣上網玩手機遊戲咩？壹淫媒作為上市公司，一時話《壹週刊》作價五億元賣盤，一時話交易告吹，轉個頭仲話摺埋，訊息超級混亂，小股東無所適從，點知會唔會有人趁火打劫喺市場上渾水摸魚o架？你知啦，漢奸黎連為佢捱生捱死嘅員工都有得出賣，大搞假自僱真裁員，何況係小股東嘅利益？唔問清楚點得吖！
講到尾，漢奸黎因為有司法保護傘罩住，至可以咁肆無忌憚做「傳媒流氓」。都係嗰句啦，多行不義必自斃，漢奸黎又好，漢奸黎嘅保護傘都好，報應已經開始咗嘞，睇路呀！