政情：楊建霞：女性官員比例仍唔夠

升職遇阻 法例難規管

曾喺銀行界任職嘅楊建霞話，本地勞工法例相對完善，能保障男女員工喺薪酬同待遇嘅公平性，例如銀行界就未見同職不同酬嘅問題，但佢認為職場仍有「玻璃天花板」（升職遇到障礙），原因係升職冇客觀標準，難以透過法例規管。

楊建霞又話，雖然港府大力推動女性就業同進入管理層嘅工作明顯較過往有進步，但官員同各諮詢委員會成員嘅女性比例仍有改善空間，但佢就笑言自己無意加入熱廚房增加女性官員比例喇。此外，香港基督教女青年會喺何文田嘅賽馬會社會服務大樓復修完成，提供長者日間護理服務，以及社交同學習平台，料每年可服務一萬三千人。