好咯好咯，壹淫媒旗下嗰本荼毒社會嘅《壹週刊》終於摺埋，應驗咗多行不義必自斃嘅千古真理，令人振奮，唯一覺得可惜嘅係，呢本專門生安白造毀人清白嘅垃圾刊物點解唔早死早着呀？多年來浪費紙張，對地球造成不可磨滅嘅傷害，加埋壹淫媒嗰啲劣質採訪文化荼毒社會，簡直係禍延幾代吖！
嗱，自從《壹週刊》賣盤不成被迫摺書之後，壹淫媒一直冇正式公布消息，只係鬼鬼祟祟咁透過電郵通知廣告商，作為上市公司，擺明不負責任喇。正義傳媒本着第四權求真精神，尋日去到壹淫媒將軍澳大樓外採訪拍攝，正當漢奸黎準備離開之際，有人竟然作賊心虛，搵嚟一男一女招呼東方記者，阻止拍攝不特止，仲郁手郁腳兼反拍記者，行為完全倒退番去洞穴人以暴力解決一切嘅層次，有冇再離譜啲吖！
喂，大家必定記得，對名人進行貼身追蹤嘅狗仔隊文化，咪就係漢奸黎當年引入香港嘅囉，搞到傳媒生態嬗變，今次不過以其人之道還治其人之身，漢奸黎就怒不可遏，撕破臉皮，將平時掛喺口邊嘅仁義道德、新聞自由，拋諸腦後，醜態百出，呢啲咪係只許州官放火，不許百姓點燈囉。
講真，壹淫媒唔係私人公司咁簡單，有乜風吹草動隨時損害小股東利益，一時話《壹週刊》作價五億元賣盤，一時又話交易告吹，家陣仲摺埋添，訊息一片混亂，本報代投資者問個明白，竟然換嚟粗爆對待，即係壹淫媒派狗仔隊滋擾名人、摷明星垃圾桶揭人私隱、老屈名人生癌嚟呃眼球刺激銷量就得，其他人正常採訪就唔得，呢啲唔係踐踏新聞自由、自相矛盾係乜吖？明人不做暗事，正義傳媒已經就事件報警處理，唔知律政司同埋記協今鋪係咪又玩包庇裝聾扮啞呢？
你知啦，漢奸黎同壹淫媒不嬲有司法保護傘，好似舊年「六四」吖，漢奸黎粗言辱罵兼刑事恐嚇東方記者，大講「×你老母×」、「我實會搵人搞×你」、「我影×咗你嘅相」嗰單畸士，有圖有片鐵證如山，但事隔九個月嘞，警方亦早已完成調查嘞，律政司依然無動於衷，即使東方提問再提問，質詢再質詢，一句「冇嘢補充」就睬你都傻，幾大嘅官威呀。不近情者多藏奸，咁樣包庇漢奸黎法，好難唔令人相信律政司唔係壹淫媒嘅走狗囉。
外國有句用嚟諷刺「偽人」嘅說話係咁講嘅：「為咗和平而打仗，即係等於為咗童貞而亂搞。」漢奸黎扮晒民主鬥士，實際上宣淫販賤，反中亂港，出賣員工，踐踏新聞自由，契弟到無倫，《壹週刊》家陣先摺埋，實在係摺得太遲！